HKEE ETA ERAKUNDEAK/ HKEE-REN ETA BESTELAKO KANPO KONTROLERAKO ORGANOEN ARTEKO HARREMANAK

HKEEren eta bestelako kanpo kontrolerako organoen arteko harremanak

Zenbait autonomia erkidegok Kanpo Kontrolerako Organoak eratu dituzte hainbat izen ezberdinekin. Hala nola, Nafarroa (Nafarroako Comptos Ganbera), Katalunia (Sindicatura de Comptes de Catalunya), Valentzia Erkidegoa (Sindicatura de Comptes de la Generalitat Valenciana), Galizia (Consello de Contas de Galicia), Euskadi (Herri-Kontuen Euskal Epaitegia); Kanariak (Audiencia de Cuentas de Canarias); Gaztela-Mantxa (Sindicatura de Cuentas de Castilla La Mancha) Balearrak (Sindicatura de Comptes de les Illes Balears), Asturias (Sindicatura de Cuentas del Principado de Asturias) eta Madril (Cámara de Cuentas de la Comunidad de Madrid). 

Kanpo kontrolerako kontrol organo autonomiko ezberdinek, ia sortzetik, euren arteko lotura bideak indartu dituzte. Saio hau hainbat hitzaldi, mintegi eta prestakuntza saioen antolamenduan gauzatu da eta horietan erakunde ezberdinetako kideek esperientzia amankomunak partekatu dituzte, euren ezagutzetan sakontzeaz batera.

Erakunde hauen guztien arteko koordinazioa nabarmen areagotu zen 1995etik aurrera, Auditoría Pública aldizkaria argitaratzen hasi zen urtetik aurrera, alegia. Kanpo kontrolerako organo autonomiko guztiek argitalpen hau abian jartzen eskuhartu zuten eta horietako Presidenteek osatzen dute argitalpen kontseilua.

Kanpo kontroleko erakunde autonomikoen arteko elkar-laguntza, HKEE eta Comptos Ganberaren kasuan agerikoa da. 1992ko urriaren 8an erakunde biek Elkarlaguntzako Itune Markoa izenpetu zuten eta horri esker bien arteko loturak indartu ziren, bai langileen espezializazioan bai eta fiskalizazio prozeduraren eredutzan ere.

Bi erakunde hauen arteko elkarrekikotasuna ez da teoria mailara edo agirien trukera mugatzen; baizik eta elkarrekin fiskalizazio txostenak egitera heldu dira, esate baterako Euskatzaindiari buruz egindakoa, edo Leizaran autobideari buruzko txosten partekatua, hain zuzen ere.

Lankidetzak beste esparru batzuk ere besarkatzen ditu, hala nola, Udalbatzen Galdetegi Funtzionalaren erredakzioa. Laburbilduta, ekimen honen helburua udal adierazle sorta bat eratzea izan da, Udal ezberdinen kudeaketan eraginkortasuna alderatzea bideratuko duena.

Elkarlaguntza, Toki Batzen Galde-sorta Funtzionala eta horren antzeko beste arlo batzuetan ere aurki daiteke. Laburtuz, ekimen honek udal adierazle talde bat sortu nahi du Udalek egiten duten kudeaketaren eraginkortasuna konparatu ahal izateko.

2006ko urtean Kanpo Kontrolerako Organoen Presidenteen Batzarra eratu da, lehenengo ekintzetako bat Iruñeko Aitorpena idatzi eta aho bateko sinadura gauzatzea izan delarik.